Alfonsu y Silvia yeren amigos de los mios pas: Lleoneses emigraos a Asturies teníen nel so pueblu dos cases muy guapes. Tolos branos convidábennos un par de semanes en una de aqueles cases d’adobe situaes cerca del riu. Díbamos como suel decise n’asturies a secanos a lo cabero del branu cuandu ya’n Llanes terminaba el bon tempu.
Una mañana de finales de Agostu, mio ma pidiome que fuera pol pan y que de pasu preguntaray a Silvia pa traey el suyu. Coyí la bolsa del pan, colguela del manillar de la bici y marche pallá a pregunta-y si quería daqué más. Entré na casa que taba a oscures, coles persianes baxaes p’evitar el calor. Recorrí la casa pero parecía que taba vacía. Ocurrióseme que a lo meyor tuvieren nel patiu traseru y dende la puerta eche una gueyada, pero nun vi na, solo un mosnton de trastos de la huerta apiguñaos escontra’l muru, el pozi d’agua y una silla de playa,
Taba yo ellí, detrás del cristal cainosu de la puerta’l patiu cuandu por detrás de la silla de playa vila llevantase. Y entós, les mis piernes entamaron a tremar, y ficiéronlo de tala manera quea puntu tuve de espatarrame. Silvia taba sola, y taba vistía namás cola baxeral del so bikini. La verdá ye que yo a aunque tuviera dos hermanes nunca les viera desnues porque los mios pas son d’otra xeneración y toos en casa somos muy pudorosos, ya nun digamos les mis hermanes; asina que los guahes d’entos nun teníemos muncha ideya de lo que yera el cuerpu femenín. Quedeme paralizau. Mientres, ella, miró’l so reloj, doblo la toalla na que taba recostiá, soltó’l llibru que tenía, rocoyiose’l pelu y púsose un coleteru.
Esa imaxen,…de Silvia de pie’n frente la puerta, cola lluz del sol del mediodía pegandoy nel cuerpu desnudu, naquella piel morena y sudorosa, ensin sabese gueyada, colos pies xuncíos, la tiesta p’atrás incliná, los brazos en xarra nel so pelu, y les sos tetes desnues mirándome quedome grabá na memoria comu’n iconu, un ideal de belleza, de sensualidá…Nun se cuantu tiempu tuvo enantes de cubrise y que me viera.
- ¡Ah! ¿Tas ahí…? ¿Lleves munchu ratu?
Pero nun pude decir ni pallabra, esplandiente y culpable al mesmu tiempu, solo moví la tiesta de llau a llau.
- ¿Vienes a por perres pa’l pan?
¡Vaya tragu mirar entos aquellos gueyos prietos que sabíen del mi pecáu! Creo que me puse tan coloráu y nerviosu; y que ella viome tan esmolecíu que solo boquió una sonrisa, pasome la mano pola tiesta , foi a la cocina, y agarró el monederu pa dame perres. Garré’l billete, ensin mirala a los gueyos y salí corriendo, non ensin enantes escuchala tras mio:
-¡Tráeme madalenes tamién!
Subime a la bici, y volé pala panadería, eufóricu, nerviosu y excitáu colo que viera. Al llegar, cola adrenalina a tope, solté la bici nel suelu que casi me mato. Entré na panadería cola so imaxen rondandome na mente. Na más veme’l panaderu bromió comu siempre facía cola mi torga pa pronunciar el fonema /K/, pero nun me importó un res, porque yera un paisanu simpáticu y además solía tener detallinos conmigo. Esi día regalome una madalena recien salida del fornu. Púsomela na mano, y entos, pente aquellos arumes a mantequilla, vainilla y güevu, pensé’n Silvia.
Aquello nun trascendió, pero unos dias dempués, una tarde nel riu, tras el bañu, mio ma emperrose en que mudara el traxe de bañu elli delante d’elles. ¡Quer ocurrencia!. Quería dexame desnudu delante Silvia…Negueme ensin más, lo que-y pareció raru a mio ma que nun entendía aquel pudor nuevu’n mí. Entos Silvia dixo-y a mio ma:
- Muyer, que tu nun te das cuenta pero ye un hombrín ya…
Aquella frase, y daquellos gueyos prietos cómplices ficiéronme l’home más gayoleru del mundu y por supuestu’l so proovedor oficial de madalenes.
Silvia convirtiose na mi fantasía favorita de guahe…
